Plantun de Prouvènço

Pèr coumpara dos planto d'encò nostre

Veratrum album & Oxybasis glauca

Varaire

Veratrum album

Melanthiaceae

Àutri noum : Veraire, Avarai, Avaraire, Petaire.

Noms en français : Vératre blanc, Hellébore blanc.

Descripcioun :
Lou varaire trachis dins li pesquié e li melounié de mountagno. Es uno grando erbo, forto, emé de gràndi fueio alterno senso pecou. L'enflourejado en grapo sarrado èi coumpausado de flour blanquinouso mens o mai verdo, emé la baso di tepalo pu sourno. Se sias un "gencianaire", avisas vous de lou pas counfoundre emé la genciano que li fueio se sèmblon proun.

Usanço :
Lou varaire es uno planto mourtalo de la racino i grano. Parié qu'Alessandre-lou-Grand fuguè empouisouna em'acò. Paraliso l'esistème nervous, aro se n'en servon soulamen en oumeoupatìo. Emé li racino s'adoubo uno poutingo bono contro li niero o àutri bestiouno.

Port : Grando erbo
Taio : 50 à 200 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Veratrum
Famiho : Melanthiaceae

Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :
Juliet à avoust

Liò : Pesquié - Bos clar - Melounié
Estànci : Mountagnard à Aupen
Couroulougi : Éurasiatico
Ref. sc. : Veratrum album L., 1753

Blet(-verdau)

Oxybasis glauca

Amaranthaceae Chenopodiaceae

Nom en français : Chénopode glauque.

Descripcioun :
Lou blet-verdau es uno planto de l'an pulèu rare au nostre, mai que coumenço de se vèire de mai en mai. Trachis dins li champ e ermas riche en azoute e proche d'aigo. Se recounèis à si fueio descoupado, verdo dessubre e blanco dessouto.

Usanço :
Es uno planto manjadisso de prepara en tian coume d'espinarc. La vau miés faire couire que caup de sapounino.

Port : Erbo
Taio : 10 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Oxybasis
Famiho : Amaranthaceae
Famiho classico : Chenopodiaceae

Ordre : Caryophyllales

Coulour de la flour : Verdo
Petalo : ges
Ø (o loungour) flour : 0,6 à 1 mm
Flourido : Estiéu - Autouno

Sòu : Ca
Autour basso e auto : 0 à 800 m
Aparado : Noun
Juliet à óutobre

Liò : Prado umide - Ermas - Escoumbre e proche dis oustau - Mar
Estànci : Mesoumediterran à Coulinen
Couroulougi : Éurasiatico
Ref. sc. : Oxybasis glauca (L.) S.Fuentes, Uotila & Borsch, 2012 (= Chenopodium glaucum L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Veratrum album & Oxybasis glauca

ges

Coumpara Varaire emé uno autro planto

Coumpara Blet(-verdau) emé uno autro planto